بتحب النبي ؟؟؟؟؟؟
بتحب النبي ؟؟؟؟؟؟؟
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
وتقول لكل اللي طغي ميت لأ
كلمة الحق المبين
وتعلم المظلوم في حتة شق
يطلع براسه مالتراب والطين
وتمشي تقرااالهم حكايا العادلين...من كل شعب وكل أرض وكل دين
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
وتفكر الناس باللي وقفوا ف يوم
ينهروا الظالم , ينصروا المظلوم
وتشيل معاهم حمل عمره سنين ....مليان فساد مليان أذي وأنين
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
وتربي جيل ,حر مش بيخاف
بيته صفيح ولقمته عيش حاف
وبرضه مش غضبان وراضي وبس....ومقفل الشبابيك ليخش ضي الشمس
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
وتمد إيدك للي مد إيديه
عاوز يقوللك بتعاديني ليه
اسمعني حبة لما أقول واصدع....علشان تقول ,أقوم أنا اسمع
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
وبلاش تحط الناس كلها ف سلة
وتقول يا مني, يا خارج علي الملة
لو شاء ربك..لكان بالإمكان...أن يجمع الدنيا ويوحد الأديان
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
متأمشي رايح مكسر بيت برئ مظلوم
وتقول أنا غضبان ومستحقش لوم
لو كنت يوم مظلوم متكونش يوم ظالم .......أمال بتزعل ليه من شدة الظالم ؟
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
ركز يا مؤمن في اللي عشانه كان
نبي أمتنا .............نبي للإنسان
متشتتوش الحكمة والإيمان...متضيعوش سنة نبي عدنان
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
ليه لما مركب تغرق بألف برئ
تقول قدر وأنا ما بإيدي شئ
ولما ظلم الناس يشتد تتهرب...تقول أنا مالي وتسبها راح تخرب
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
لو كنت صادق في الحب والإيمان
ليه تخشي م الطاغي ,ومستكين وجبان؟
مالك يا مؤمن ..إيه جرالك إيه ؟ ....مبقتشي فاهمك يا سعاة البيه
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
يا سيدي يا مودي نص مليون ميل
عشان تقول للغرب نبينا حلو جميل
ركز هنا حبة وصلح حياة الناس ....وعلم المظلوم ازاي يشيل الفاس
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
يا سيدي يا عامل ندوة ومؤتمرات
بتقول نبينا عزيز وهارينا مالحكايات
بتكش ليه لما ..ظالم يدوس راسك...وتقوم تبوس راسه وتصبر علي الاهانات ؟
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
يا شيخنا يا مفتي ..محروق قوي كدة ليه؟
مسمعت يوم صوتك تنهي سعاة البيه
عن ظلم عمر طويل ..وعامللي قال مؤمن.....يا شيخ الهي نشوف فيك يوم وتتأبن
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
يا حاج يا بو حسام ..يا طنط يا عمو
يا بنت يا كابتن ....يا نن عين امه
ارحم موبيلي بأة من ميت ماسج " نصرة " ......واهجم علي الطاغي بالكلمة والحجرة
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
اشمعني دانماركي... ملوهشي وزن وصيت
بـأة مشكلة أمة ....مالبيت لحد الغيط ؟
ماهي ماما امريكا ..فيها الف شتامين ....وعامللي عالنملة ...حملة صلاح الدين؟؟
ماهو في جوانتامو...شدوا علي القران
سيفونات...وداسوا علي..مليون حقوق انسان
ومن قبل فابو غريب...عروا الاساري يا ناس ..ولا شفت عمو " الشيخ " متوتر الاحساس
مش داخلة عقلي ليه ...حبة رسوم بللو
مرت شهور وشهور ...ولاحد خد باله
مين اللي قال ولع ..راح كله متجمع ؟؟.......والكل بقي هايج...ثاير ومتشجع ؟
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
يا عم يا مؤمن ...عاوز عدو وحرب ؟
اهجم علي الظلمة والفقر واهريه ضرب
وفساد وجوع ضارب ونفاق وباء و عبيد.....هتقوللي مش لاعب ..والحمل شاله الرب ؟؟؟
بتحب النبي ؟ ...يبقي النبي ....تتبع خطااااه...ضد الطغااااه...والظالمين
تبقي أبي....بنت وصبي...حر و شديد...مش ماالعبيد ..والتابعين
يا ريت لصوتي ميكروفون عالي
عشان أغني.......... ليكو موالي
واديني بكتب وانشد الألحان.......وياريته يسمع اللي عنده إيمان
الأربعاء فبراير 28, 2007 6:03 am