(( مدينة ... يحكمها الحزن... ))

,,, يسألوني ليه الحزن ساكن حروفي ,,,
,,, مادروا عن مدينة الحزن اللي بوسط جوفي ,,,

,,, مدينه ماتعرف نهار ,,,
,,, مدينه مابها أنوار ,,,
,,, فيها كثير أسرار ,,,
,,, مهجوره ولا فيها أي دار ,,,

,,, أمطارها دموع عيني ,,,
,,, سحابها قسوة سنيني ,,,

,,, حدودها صحرا جفاف ,,,
,,, منها الفرح يخشى ويخاف ,,,

,,, يدري الفرح ان ماله مكان ,,,
,,, صعب يخترق أسوار الأحزان ,,,

,,, هذي حكاية مدينه بداخلي ماتعرف طعم الافراح ,,,
,,, مدينه يحكمها الحزن,والهنا من سنين هجرها وراح ,,,

,,, مدينه عايشٍ بها طفل صغير ,,,
,,, بداخله حلمٍ كبير ,,,
,,, ما يبي يصبح أمير ,,,
,,, ولا يبي منصب وزير ,,,

,,, كل اللي يبيه ,, حنان ,,,
,,, وحضن يعطيه ,, الأمان ,,,
,,, وقلب يحتويه ,, لاجار الزمان ,,,
,,, ومشاعر تنسيه سنين الحرمان ,,,

,,, للأسف ما لقى ,,,
,,, إلا همومه والشقى ,,,

,,, وكل اللي حوله بقى ,,,
,,, مجرد آثار ,,,
,,, أحرقتها النار ,,,
,,, وقبور ,,,
,,, وقلبه المكسور ,,,

,,, مسكين ,,,
,,, الدنيا والبشر , تجتمع ضده ,,,
,,, وفوق الهموم اللي تجتمع عنده ,,,
,,, زادت معاناته بدموعٍ أحرقت خده ,,,

,,, بعد اللي سمعتوه من قصتي ,,,
,,, اعذروني اذا كانت كلمتي ,,,
,,, تتوه بصدى صرختي ,,,
,,, وتصور لكم قسوة دنيتي ,